RODRIGO CUEVAS - CD Manual de Romería

18,50

Manual de Romería ye’l segundu trabayu de llarga duración del axitador folclóricu, el rei del cortexu, el llabrador d’una Asturies diversa y arguyosa de la so identidá rural, l’animal escénicu. Rodrigo Cuevas presenta 14 cantares enllenos de sensualidá y fuerza, de romería, d’electrónica retro, de folclore que tresciende a les llendes asturianes, de mensaxe disfrutón, costumista y comprometíu a la par; seya n’asturianu, en castellanu, n’amestáu o en francés.

El discu ta grabáu y producíu por Eduardo Cabra “Visitante”, músicu , compositor y productor de la pernomada banda puertoriqueña Calle 13. Y nél, Rodrigo Cuevas fai esi viaxe que tantes xeneraciones d’asturianos fixeron nel pasáu; dende l’Asturies rural hasta Llatinoamérica, faciendo d’enllaz ente les imprescindibles voces de la tradición -Mariluz Cristóbal Caunedo, Edelio González Fernández, Josefa Diebra Faúndez y Nieves Rodríguez Cañón- y los instrumentos y los coros de músicos del otru llau de la mar, ente los que destaca iLe -que tamién fuera vocalista de Calle 13-. Tamién tien el so protagonismu la veterana agrupación coral corsa A Filetta y José González “El Presi”, sampleáu nún de los temes.

Un álbum de consolidación, nel que Rodrigo Cuevas afítase como ún de los artistes cimeros de la so xeneración, tanto dientro como fuera d’Asturies, gracies a un proyectu interdisciplinar articuláu alredor de la música, pero onde lo perfomativo, lo representativo y lo audiovisual tamién son pegollos de la propuesta.

Hay existencias

Más información
Peso 0,1 kg
Dimensiones 14 × 1 × 13 cm
Tipu d'Artículu

CD

Estilu

Folk, Electrónica

Artista

Rodrigo Cuevas

Discográfica

Sony Music

Valoraciones (0)

Valoraciones

No hay valoraciones aún.

Sé el primero en valorar “RODRIGO CUEVAS – CD Manual de Romería”

Tu dirección de correo electrónico no será publicada. Los campos obligatorios están marcados con *

X