RUBÉN ALBA – CD ‘Despertar’

Despertar» ye’l suañu musical fechu realidá del aclamáu gaiteru avilesín Rubén Alba. Tres más de 22 años de trayectoria, presenta un discu con 12 temes que reflexen la personalidá y gustos d’esti músicu marcáu por soníos que van dende la música tradicional asturiana hasta’l pop, folk, funk, jazz o rock. Un trabayu que rebosa calidá, contundencia y pluralidá y nel qu’Alba ta acompañáu por músicos curtíos en formaciones como Felpeyu, Dixebra, Tejedor, Blima, Vrienden… Un discu imprescindible p’amantes de la gaita asturiana, de la música tradicional asturiana y del folk-rock.