RUMA BARBERO - Cómic 'Seltegu'

17,00

Seltegu’ ye’l cómic de Ruma Barbero (músicu, dibuxante y guionista, lletrista, diseñador…) que fala sobre la xira libanesa de Felpeyu en 2005. Una historia qu’axunta diariu de viaxe, conflictu d’Oriente Medio y faltosismu asturianu, y que ganó’l XI Premiu Alfonso Iglesias de cómic convocáu pol Gobiernu del Principáu d’Asturies.

A lo llargo de 128 páxines esta novela gráfica impresa a too color cuenta la historia de cuando nel añu 2005 la embaxada española de Líbanu contrató al grupu de folk asturianu Felpeyu pa dar un conciertu dientro’l festival «Fête de la musique» que festexaba los 15 años de paz dende la fin de la guerra civil de 1975 a 1990 y, aprovechando’l viaxe, xirar una selmana per dellos festivales y centros culturales del país de los cedros.

En febreru d’esi añu, l’ex-primer ministru Rafic Hariri muerre nun atentáu qu’unos atribúin al MOSAD (servicios secretos israelinos), otros al brazu armáu de Hezbolá (organización islámica xií libanesa) y otros a Siria (país qu’ocupaba Líbanu dende la fin de la guerra). Les presiones internacionales tres de la muerte de Hariri acaben cola ocupación siria. Tando yá Felpeyu en Beirut, otra bomba acaba cola vida del ex-cabezaleru del Partíu Comunista de Líbanu George Hawi (atentáu tamién de bandera falsa) colo que se suspende la «Fête de la musique» y dexa a los asturianos un poquiñín al debalu. Nesta xira, los felpeyos percuerren un país que tovía nun ta controláu pol so exércitu, traten con xente d’estremaes tendencies polítiques, relixoses y clases sociales.

Ruma Barbero (Somió, Xixón, 1971) ye dibuxante y guionista de cómic, ilustrador, diseñador gráficu, maquetador editorial, percusionista y lletrista. Llicenciáu en Belles Artes pola Universidá de Salamanca na especialidá d’Escultura (1990-1995). Cofundador de la editorial Cactus Comics. Miembru fundador de grupos de folk asturianu como Felpeyu y ¿Aú? Lletrista pa grupos como Felpeyu, ¿Aú?, Los Ciquitrinos, Tejedor, Blima, Pandereteres de Fitoria, Vrienden, Alce y Navaya o los proyectos Aire y Bestiariu. Con un Premiu de l’Academia de la Música en 2008 y dellos Premios AMAS. Diseñador y maquetador de llibros y de carátules de discos de Felpeyu, La Bandina, DRD, Verdasca, Blima, Foi profesor d’enseñanza secundaria y de la Universidá Popular de Xixón. Tien desendolcao tallerinos de cómic p’alumnos dende primaria hasta la universidá. Premios como autor de cómic: 2009 Premiu «Alfonso Iglesias» de cómic en llingua asturiana por Manzajú. 2012 Premiu 20 Minutos al meyor Blog d’Humor Fundición Príncipe d’Astucies. 2013 Premiu Tertulia Malory meyor llibru en llingua asturiana por La Chelita. 2015 Premiu «Alfonso Iglesias» de cómic en llingua asturiana por El viaxe a la lluz. Dende ochobre de 2011 publica Aguantando Cachones, un fanzine/blog con obra inédita y recopilación de trabayos anteriores.

Hay existencias

Categorías , Etiquetas , , ,
Más información
Peso 0.3 kg
Dimensiones 16 × 1 × 20 cm
Tipu d'Artículu

Llibru

Estilu

Cómic

Artista

Ruma Barbero

Discográfica

Impronta

Valoraciones (0)

Valoraciones

No hay valoraciones aún.

Sé el primero en valorar “RUMA BARBERO – Cómic ‘Seltegu’”

Tu dirección de correo electrónico no será publicada. Los campos obligatorios están marcados con *

X