VV.AA – CD ‘Bestiariu 3’

Música prestosa, n’asturianu y pa tola familia; esi ye l’espíritu de los compilatorios de Bestiariu que cada añu edita La Fabriquina. Esta edición del 2017 vien con doce cantares a ritmu d’indie, folk y rock. Los grupos participantes son Losone, Buen Suceso, La Tarrancha, El Koku la Manzana, Nosoträsh, Lorena Álvarez, L-R, Antón Menchaca, Rioturbio, San Jerónimo y Muga y el Corín de Reciella; y nesti ‘Bestiariu 3’ vas atopar una perrina sideral, un cocu que ye’l terror del llagar, un esperteyu musical, una lleona vasca que conoz a un gatu asturianu, una andarina que coló en busca del sol, una ballena viaxera y combativa, una curuxa que va curiate en monte, un melandru y un xabalín arguyosos de la so condición, una muestadiella corretera y una xirafa deportista.