XEITU – CD ‘Xeitu’

Primer discu del Grupu de Baille Tradicional Xeitu d’Uviéu pa cellebrar el so XV aniversariu. Nél, recueyen los cantares que-yos acompañaron tou esti tiempu xunto a otros inéditos recuperaos de la tradición sonora asturiana gracies a los investigadores Xosé Antón Ambás y Ramsés Ilesies.

Quince cantares que percuerren tola xeografía asturiana, cuidando les característiques llingüístiques de cada zona; la fala cunqueira de Trabáu, peculiaridaes de los vaqueiros d’alzada, o l’aire del oriente, son dalgunes característiques que los componentes del grupu trabayaron, pa facer asina un trabayu únicu.

Cantares pal trabayu (la siega), pa cellebraciones importantes (bodes, ramos, dances), cantares de ronda, temes pal baille a lo suelto y a lo agarrao, canción asturiana y temes instrumentales con gaita y tambor, o de bandina, formen elsta primera referencia d’esti pernomáu grupu de baille tradicional.