XUACU AMIEVA – CD ‘Onde L’Agua Ñaz’

Primer discu de Xuacu Amieva, publicáu en 1986.

Xuacu Amieva ye ún de los gaiteros más importantes d’Asturies. Ta venceyáu a la música del país dende 1974, participó en grupos d’investigación etnográfica, creó en 1980 la Escuela de Música Tradicional d’Uviéu, fizo’l primer Métodu de Gaita Asturiana, fundó y dirixó la Banda de Gaites Naranco. Tamién participó en grupos folk pioneros como Beleño y Ubiña y llegó a colaborar nel discu de los irlandeses The Chieftains col qu’esta formación ganó un Grammy. Amás acumula dellos gallardones que premien el so llabor. La so carrera discográfica en solitario remóntase a 1986 y ta formada por seis discos qu’amesten tradición y reellaboración con sonoridaes más modernes.