Sobre'l ritmu de les panderetes y d'instrumentos como'l morteru, la llata pimentón y les cuyares, 6 Riales reinventa la tradición ensin perder la so esencia. Nel so repertoriu tienen música pa baillar, cantares de fuera d'Asturies y composiciones propies.
El grupu de música tradicional feminista actúa nuna sesión vermú de la MELLA (Muestra Intercultural de Cine, Educación y Archivo).
L'Asociación de vecines Esto ye Ciares celebra'l cuartu aniversariu de la paralización de la demolición del Hogar del barriu con un vermú con música y baille nel que van tocar Rollu Folk y les Pandereteres de Ciares.
Vero Rubio ye una multiinstrumentista que toca’l pianu, la trompeta, la trompa y el bodhran. Vou ye un proyectu multidisciplinar de música, palabra y imaxe.
Autores en Camín: La Bonturné ye’l proyectu bal-folk de trés de los músicos más renomaos del folk asturianu -David Varela, Santi Caleya y Merce Santos- xunto a David Casillas. El so repertoriu ta formáu por temes de tastu popular iguaos pal baille.
La Xunta Pola Defensa de la Llingua Asturiana entama esti eventu pa pa facer alcordanza d’una persona fundamental y queridísima dientro del asturianismu, el periodista Damián Barreiro.
Ún de Grao reinterpreta pieces de tonada y d’otres músiques de raigañu asturianu pa empobinales hacia soníos propios del rock, del jazz o de la bossa nova.
José Manuel Tejedor Trío ye'l proyectu nel que’l pernomáu gaiteru toca acompañáu por Dani Álvarez y Richard García.
Bárzana acueye una edición más del Mercáu Quirosán nel que van tocar La Banda Latira, La Tarrancha, Los Gascones, el Grupu Folclóricu Blimea, La Flor de Grau y les bandes de gaites Saxum, Teixo-Manolo Quirós y Castrillón.
Festival de folk, rock y música tradicional con delles actividaes complementaries.
Felpeyu ye ún de los grupos más importantes del folk asturianu. Formaos en 1991, lleven más de trés décades reellaborando la música tradicional asturiana al traviés d’un folk acústicu influenciáu poles corrientes de la música celta atlántica y europea.
Skama la Rede y Amarradizo toquen nesti festival.
