Güei ye 8 setiembre, la celebración marcada nel calendariu como’l Día d’Asturies. Esti país nun sería’l mesmu ensin la so música; un son centenariu que lleva sieglos calteniéndose a lo llargo la historia y dándo-y una identidá propia a esta tierra. Dende l’asturianada hasta les tendencies nueves de la música asturiana, xente anónimo, agrupaciones y artistes fueron poniendo-y ritmu a esti pueblu y cantando-y a la idiosincrasia. Pa festexar el nuestru día, entamamos una encuesta nel nuestru Instagram y Facebook pa que quien quiera pueda comentar cuáles son los cantares que meyor representen a Asturies. Colos más escoyíos vamos crear una playlist nueva.
Esta llista de reproducción nueva va sumase a les yá esistentes: Música Asturiana, Folk Asturianu, Rock n’Asturianu, ¡A Baillar!, Novedaes, Asturianada, Gaita, IndieNast, y Música Nueva Asturiana; amás de les series de d’Esto ye y La banda sonora de... Unes playlists coles que siguimos avanzando na nuestra xera d’esparder la música’l país per tol mundu gracies a les plataformes musicales.
Suscríbite a les nuestres novedaes
