La muyer na música asturiana d’anguaño

La muyer na música asturiana tuvo históricamente un papel bien relevante; yá hai constancia d’ello dende tiempos remotos y na Edá Media apaeció representada en munchos capiteles d’ilesies romániques asturianes. Modernamente les muyeres foron incorporándose, pasín a pasu, como instrumentistes o cantantes en bandes de folk o de rock y vienen protagonizando la renovación de la tonada y la revolución de la pandereta, conxungando al empar un prestixamientu del instrumentu y l’empoderamientu femenín.

Esti programa d’Al Son ta protagonizáu por dalgunes de les muyeres que formen parte de la escena de la música n’asturianu d’anguaño. Nél opinen sobre la situación de la muyer na música y recomienden cantares nos que participaron.

• Mariluz Cristóbal Caunedo
• Leticia Baselgas
• Bárbara González-Quevedo
• Anabel Santiago
• Ana Lamela
• Silvia Quesada
• Lluci Palomares
• Natalia González
• Eva Tejedor
• Mapi Quintana