CARLOS RUBIERA - Llibru + 3CD 'Asturianaes III'

27,00

CARLOS RUBIERA PUBLICA UNA TRILOXÍA FUNDAMENTAL PAL FUTURU DE LA TONADA. CON ESTA OBRA CIERRA UN CICLU DE 20 AÑOS D’ESTUDIU Y AFONDAMIENTU NA CANCIÓN ASTURIANA

30 ASTURIANAES ye una gran obra en formatu llibru+3CDs col que pon el ramu a más de venti años d’estudiu, revisión y composición nel ámbitu de la Canción Asturiana.

Esti trabayu representa’l cumal de la so carrera como cantante y compositor d’asturianaes; un estilu que tien el so aniciu nes obres de los compositores y cantadores «clásicos» d’a primeros del S.XX (Rodríguez Lavandera, Baldomero Fernández, Manuel del Fresno y otros), que supieron convertir el cantu tradicional asturianu –la tonada de la tierra, como se dicía daquella– nun lied de calter cultu. En 30 ASTURIANAES, Carlos Rubiera sigue la estela de los clásicos, pero cola perspectiva del tiempu actual.

Recuéyense nesta gran obra un total de 30 pieces vocales (tradicionales unes, del propiu Rubiera otres) xunto con tres pieces instrumentales orixinales pa gaita; contando pa la so grabación cola collaboración d’un estraordinariu elencu d’intérpretes: José Angel Hevia, María José Hevia; Javier Tejedor; Xuacu Amieva, la cantadora Mariluz Cristóbal Caunedo; el cantautor Rafa Lorenzo; la cantante folk cántabra Almudena López; los pianistes Gabino Antuña y Óscar Camacho; l’acordionista María Álvarez; los gaiteros Diego Pangua, Flavio Rodríguez Benito y Llorián García; la Coral Villa Blanca de L.luarca y otres voces y instrumentistes de primer nivel, hasta completar una nómina de ventiseis nomes destacaos de la música asturiana actual.

Nel llibru (de 24×17 cm y 75 páxines) axúntense les lletres de tolos cantares, la partitura de la «Marcha d’honor», compuesta por Rubiera y grabada por Hevia, y dellos testos introductorios y biográficos escritos pol editor, pol propiu Carlos y pol musicólogu y gaiteru Llorián García Flórez.

Como valor añadíu, cada llibru va numberáu, con una fueya de roble estampada a mano y firmáu pol autor; faciendo asina que cada exemplar seya únicu y distintu.

La variedá estilística (tonada brava, ayerana, soberana, vaqueira, añada, dialogada, a capella, a la gaita…), la diversidá temática, la rigurosidá llingüística, los arreglos sobrios o más exhuberantes, y hasta la esperimentación, faen d’esti trabayu una especie d’enciclopedia sonora de l’asturianada.

30 ASTURIANAES, de Carlos Rubiera, ye una obra llamada a ser fonte d’inspiración y estudiu pa les nueves xeneraciones de cantadores; a perdurar nel tiempu y a dexar buelga na historia de la Canción Asturiana.

Solo quedan 1 disponibles (puede reservarse)

Más información
Peso 0.43 kg
Dimensiones 14 × 1 × 13 cm
Tipu d'Artículu

Llibru-CD

Estilu

Tonada, Canción Asturiana

Artista

Carlos Rubiera

Discográfica

Goxe

Valoraciones (0)

Valoraciones

No hay valoraciones aún.

Sé el primero en valorar “CARLOS RUBIERA – Llibru + 3CD ‘Asturianaes III’”

Tu dirección de correo electrónico no será publicada. Los campos obligatorios están marcados con *

X