LAURO MENÉNDEZ - Vinilu

Vinilu que recueye delles de les pieces más destacaes interpretaes por Lauro Menéndez.

Esbillamos equí un testu de l’asturianada.com dedicáu a esti cantador:

“La voz de barítonu altu siempre gozó, n’opinión del públicu, d’especiales cualidaes pa la interpretación de la tonada asturiana. Nella aseló bona parte del éxitu de Laureano Menéndez González Lauro, fíu del tenor Laureano Menéndez Alonso. Lauro ñaciera n’Avilés el 25 de xunu de 1901 y emprimara a cantar dende bien neñu, animáu pol propiu ambiente familiar. Prodigó actuaciones en Madrid, lo que llevó a la compañía discográfica La Voz de su Amo a animalu a rexistrar los cantares en discu.

A lo llargo de los años diba dexar grabaes un total de sesenta y cinco asturianaes, como “La mio neña”, “Vaqueiras”, “Tien coses la mio rapaza”, “Vengo de la romería”, “Si quieres que te cortexe”, “Les barandielles del puente”, “A la salida del Sella”, “Primero qu’otru la lleve”… Colos años profesionalizóse, convirtiéndose nun reputáu cantante de zarzuela. Pero la so carrera quedó tayada un añu depués d’entamada al enfermar gravemente, lo que lu mantuvo na so casa d’Avilés hasta la so muerte’l 19 d’abril de 1932. Lauro continúa na memoria de munchos aficionaos como’l cumal d’esti xéneru”.