MARILUZ CRISTÓBAL CAUNEDO – CD ‘Cancios y Asturianaes’

Tercer y últimu discu de Mariluz Cristóbal Caunedo, la gran dama de la canción asturiana. Nesti trabayu ta acompañada de dellos de los meyores músicos del país pa interpretar 11 cantares de tonada renovada.

Mariluz Cristóbal Caunedo ye ún de los nomes más importantes de la canción asturiana. Nacida en Tinéu en 1948, la so voz sonó en tol mundu gracies a la collaboración que fizo con Hevia nel so éxitu “Busindre Reel”, interpretando un fragmentu de la tonada “Tu nun vuelvas a mio casa”. En 2001 publicó’l so primer discu en solitariu ‘Onde la Ñublina Posa’; una obra imprescindible pa la música asturiana na qu’esta cantante revoluciona l’asturianada esplorando sonoridaes nueves pa esti xéneru y calteniendo la tradición al empar. Ella abrió un camín que llueu siguiríen les nueves xeneraciones d’intérpretes de canción asturiana y que pue sentise nos trés discos en solitario que tien publicaos.