“Mala Relixón” ye’l quintu discu de llarga duración de los moscones Misiva. Nél recueyen l’EP homónimu qu’espublizaron en 2022 amás de los cantares del curtiumetraxe “L’ÚLTIMU ALIENDU”, “LA MISIVA” del X Aniversariu y dos temes inéditos hasta agora.
Un discu de 10 cantares grabaos, mezclaos y producíos nos Ovni Estudios de Bonielles con Pablo Martínez (Desakato) a los mandos a lo llargo d’estos 3 últimos años nel que se ve la evolución nel soníu, nes lletres y nel estilu de la banda. Un broche d’oru pa esti final de 2023 al que lleguen, como la bona sidra, nun estáu de maduración no musical y no conceptual inmeyorable.
Hai que destacar, como siempre que falamos d’un discu de Misiva, el diseñu del tamién moscón Rubén Fdez “Rubonon” qu’amuesa dafechu la idea ya’l conceptu de Mala Relixón, que como nos dicíen na publicación del EP, “nada tien que ver con teoloxía nin con dogmes monoteístes, sinón con esos patrones, idees y programes que nos van yantando sele dende neños na escuela, na familia, na tele y agora nes redes sociales”. Una llamada a garrar les riendes de la vida y volver al orixe y a prender esi llume que toos llevamos dientro.
Una xoya que too melómanu y amante de la música en xeneral y del punk-rock asturianu en particular tien que tener na so discoteca.
Valoraciones
No hay valoraciones aún.