Ritmos foranos n’asturianu

La llingua asturiana asocióse históricamente a los soníos provenientes de la tradición, fundamentalmente en cantares populares o na tonada; a principios del sieglu venti incorpórose tamién a la música coral, onde ocupa un espaciu bien importante en munches composiciones d’esi calter. Sicasí, nos últimos años, munchos grupos y solistes del país tienen cantao n’asturianu en contestos sonoros ayenos dafechu a la nuestra tradición musical, faciendo suyos ritmos, melodíes y aires d’otros llugares. Con ello mostraron la versatilidá de la llingua asturiana, que ye quien a adaptase amañosamente a maneres y formes musicales que nada tienen que ver con ella.

Nesti programa suenen:

• Anabel Santiago. La Lloca.
• Eva Tejedor & Les Pandereteres. Tangoreteres.
• Ana Lamela. Palabres.
• Silvia Quesada. De llonxe gano.
• Hevia. Al son de la capitana.
• Joxe Ripiau. Margarita.
• Xulio Antidio. Corvera blues.
• Diañu Blues. Problemes enxamás.
• La Tarrancha. Elefantes na cacía.
• Voodoo Grass. Negres cenices.
• Soncai System. Rutina.