Esti sábadu 13 d’agostu Soto Ribera acueye la primer edición del Arniu Cheese Fest, el festival de los quesos tradicionales y singulares d’Asturies. L’eventu tien una programación mui completa nos qu’amás de la gastronomía, tamién va haber espaciu pal pregón, esposición, proyecciones, teatru, actividaes pa la reciella y música en directo. La Banda Gaites Soto Rei va actuar a les 11.30h y a les 17h, mientres que pela nueche va cellebrase’l Desarniu, un festival de música nel que la electrónica de raigañu ye la protagonista gracies a les actuaciones del DJ Da Robotz y de Paganéu Live, el proyectu de techno-tonada del cantador Odón del Paganéu. Dientro l’eventu tamién participa Dr. Balkan, formación autodefinida como «electru-balkan d’alzada».
Suscríbite a les nuestres novedaes
