18 años dempués, Los Berrones vuelven a tocar en Poniente y grabar el so conciertu

Na Semanona de 2004 Los Berrones dieron un conciertu históricu na Playa d’El Natahoyo (Poniente) onde grabaron el so únicu CD y DVD en directo. 18 años dempués, el míticu grupu d’agro-rock regresa a esti escenariu acompañáu de la Banda de Música de Pravia pa dar un conciertu col que celebren 35 años de carrera ininterrumpida. La cita ye esti vienres 12 a les 23h en Poniente, con entrada de baldre y l’actuación va grabase audiovisualmente.

Si examinásemos la banda sonora de milenta asturianos y asturianes, la gran mayoría incluirían nella polo menos un cantar de Los Berrones. Dende finales de la década de los 80 y col so estilu peculiar definíu como agro-rock, Ramón Blanco y Olegario Menéndez encabecen Los Berrones, un suañu musical que dexó de ser una afición en 1987 cuando entamaron a xubir a unos escenarios de los que yá nunca baxaríen.

Agora cumplen 35 años na música y tán sorprendiendo con una xira que los alloña de los espacios a los que tán avezaos, pero qu’aporta coles canciones de siempre, coles sos lletres que cunten el día a día de los pueblos y les sos vivencies, siendo pioneros n’escribir d’un mundu rural col que muncha xente se siente identificao.

Mercar discos de Los Berrones na tienda online

1 Comment

  • GORKA ZUBIAUR ARANA
    12/09/2022

    sou un fan de los BERRONES DESDE SUS COMIEBNZOS, LA CULPA DE TODO LA TUBO UN AMIGO QUE LE REGALAROIN EL PRIMER VINILO DE ELLOS Y A CUENTA DE ESO ME AFICIONE A SU MUSICA, ESTADO ESTE AÑO EN GIJÓN Y NO HAY MANERA DE CONSEGUIR NADA DE ELLOS, DE TODAS FORMAS TENGO LOS DOS ÚLTIMOS DISCOS QUE AN EDITADO Y EL RECOPILATORIO 10 AÑOS BERRANDO, ME GUSTARIA QUE EDITARAN TODOS SUS DISC OS EN ” CD “, SOMOS UNOS DE BILBAO VIZCAYA Y NOS GUSTARIA UNA REEDICIÓN DE TODA SU DISCOGRAFIA YA QUE NO SE ENCUENTRA EN NINGUNA TIENDA.
    GRACIAS.

Dexa un comentariu

X