El Festival Internacional de la Gaita de Villaviciosa (FIG) va celebrar del 31 d’agostu al 3 de setiembre la so XVI edición. Pa dir caleciendo l’ambiente, la Banda Gaites Villlaviciosa -organizadora del eventu-, fai esti sábadu 15 xunetu un eventu mui completu nel Atenéu Obreru. A les 17h van facer la presentación oficial del programa del festival; a les 20.30h entamen un conciertu de La Banda… Latira! acompañáu d’una espicha y a les 22.30h va haber otres actuaciones especiales. José Manuel Tejedor va tocar acompañáu de Dani Álvarez y Ramón González; llueu hai Nueche en Danza cola participación de Les Pandereteres L’Algara y pa rematar la xornada va haber escenariu abiertu pa quien quiera xubir a él. Toles actividaes son de baldre -sacantes la espicha, que cuesta 15 €- y va haber chigre col que recaudar perres pal FIG.
Suscríbite a les nuestres novedaes
