Cangues d’Onís celebra esti xueves un conciertu de música reciclada cola dirección de David Varela

Del 20 al 28 d’esti mes ta celebrándose per dellos llugares de la Unión Europea la Selmana Europea de Prevención de Residuos. El conceyu de Cangues d’Onís súmase a esta cita esti xueves 25 con una actividá na que la música ye protagonista. Trátase d’un conciertu del alumnáu de la Escuela de Música de Cangues d’Onís nel que, dirixíos pol multiinstrumentista y profesor David Varela, van interpretar pieces tradicionales asturianes usando pa ello instrumentos reciclaos.

«Suena’l teléfonu y entruguen que, yá que toco con “gaites-guante”, escobes, serruchos y tubería de PVC, si podría dirixir una banda de músicos reciclaores, na que construyen los sos propios instrumentos. Y de sópitu, Embaxador Musical de Cogersa pa los actos de la Selmana Europea de la Prevención de Residuos.», comentó nes sos redes sociales David Varela col tonu desenfadáu que tan bien lu define. A les 19h nel salón d’actos de la Casa la Cultura de Cangues va entamar esti eventu qu’arranca primero con un taller de fabricación de flautes con material reciclao pa dar llueu pasu al conciertu

Calca pa ver videos de David Varela tocando instrumentos reciclaos