Del vienres 30 d’ochobre al domingu 1 de payares van celebrase once eventos programaos en siete conceyos asturianos: Siero, Piloña, Teberga, Xixón, Castrillón, Candamu y Gozón. La programación inclúi conciertos de tonada, música y baille tradicional, festivales folclóricos y delles celebraciones d’amagüestu.
20:00 — Cuévano en La Pola Siero
Teatru Auditoriu de La Pola
Cuévano ye «superbanda» formada por doce destacaos miembros con intereses y trayectories mui diverses.
20:00 — César González y Belén Arboleya en Piloña
Chigre La Maléfica, L’Infiestu
La Maléfica continúa’l ciclu de tonada coles actuaciones de César González y Belén Arboleya.
María Trubia y Pau Santirso en Teberga
Fresnéu, Teberga
Estes destacaes persones nel ámbitu de la música y el baille tradicional asturianu ufren un conciertu que pon en valor el patrimoniu cultural al traviés del usu de panderos, cantu y baille, fomentando la implicación activa de los asistentes.
18:00 — Compañeras en Xixón
Xardín Botánicu Atlánticu
Formación qu’ufre un espectáculu qu’amuesa la cultura asturiana cola música como filu conductor.
18:00 — XVIII Festival Folclórico A.F. Cuélebre
CPI Llugones, Siero
Actúen l’Agrupación Folclórica y la Banda Gaites Cuélebre, la Banda Gaites Conceyu de Xixón y l’Asociación Cultural Barca de Loimil de Arbo de Pontevedra.
19:00 — Soi Panderetera en Xixón
Pobláu de Santa Bárbara
Agrupación xixonesa de música tradicional.
21:00 — Otramiente y La Xarangana en Castrillón
Centru Social El Foxacu, Piarnu
Amagüestu nel Centru Social El Foxacu de Piarnu con Otramiente, La Xarangana y otres actividaes.
21:30 — Fayéu en Siero
Taberna Cuévano, La Pola Siero
Fayéu ye un grupu de creación recién. Folk con raigañu dende’l conceyu Ayer.
12:00 — XLII Festival de la Castaña en Candamu
Carpa d’Aces
Actúen Eva Tejedor & Les Pandereteres a les 12h y Ambás ya Ramsés a les 14h.
12:00 — Magüestu de La Benéfica en Piloña
Antrialgu
Edición nueva del tradicional amagüestu de La Benéfica con castañes, calorín y folixa. Actúa L’Andecha Turcipié.
20:00 — Caparines en Gozón
Parque de Lluanco
Grupu compuestu por violinista, flautista y pandereteres que fai música tradicional y popular.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/
Suscríbite a les nuestres novedaes
