Nesti últimu fin de selmana d’agostu la programación de música n’asturianu entama yá dende’l xueves. Folk, punk-ska, asturianada, música tradicional… dan forma a una programación que s’esparde per Xixón, Gozón, Ibias, Ayer, Yernes y Tameza, Uviéu, Bimenes, Llanes, Villaviciosa y Valdés y na que destaquen cites como la XXXV Fiesta de la Sidra de Xixón, la Fiesta de les Artes y Oficios Ancestrales d’Ayer, Subi a la Tenobiera en Rozaes, el Mercáu de Porrúa o’l Homenaxe a Marcos en Cadavéu.
11:30 — XXXV Fiesta de la Sidra en Xixón
Xixón
Actúen la Banda Gaites Saxum.
20:00 — Skama la Rede
Las Dunas Verdicio (Gozón)
Skama la Rede ye ún de los grupos referenciales de la segunda xeneración del Rock Astur. Músicos de Carreño y Gozón formaron en 2004 esta banda ska-punk influencía tamién pol folk asturianu.
20:30 — XXXV Fiesta de la Sidra en Xixón
Xixón
Actúen la Banda Gaites Noega, Banda Gaites Llariegu y Ún de Grao
20:30 — Rollu Folk
Bar Mikelo (Santantolín d’Ibias)
Conciertu d’esta formación qu’entemez la música asturiana de calter más tradicional cola sonoridá del folk noventeru d’Asturies.
11:30 — Xeitu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
11:30 — Fiesta de les Artes y Oficios Ancestrales n’Ayer
La Pola Vieya (Ayer)
La programación del sábadu inclúi a les 14 hores les actuaciones de Les Ayalgues d’Ayer, la Banda Gaites El Gumial y Pandereteras de Somiedo, y a les 22 hores el conciertu de José Manuel Tejedor.
12:00 — AICA
Cuevallagar (Yernes y Tameza)
Actúen los cantadores Marina Carbajosa, Valentín García y Juan José Patallo y a la gaita Xaime Menéndez, nesti eventu entamáu por AICA (Asociación d’Intérpretes de Canción Asturiana).
12:00 — El Mercáu de Porrúa
Porrúa (Llanes)
Héctor Braga da los pregones, baillen el GE L’Oriente – Llacón y Filandón, hai asturianada con AICA y toquen Gaiteros Llacín, Los Indianos La Maleta l’Agua y Los Gascones.
17:00 — Subi a la Tenobiera
Rozaes (Villaviciosa)
Dientro del ciclu cultural Subi a la Tenobiera. Cultura y Xaréu nel Horru Simón José pon un taller de percusión tradicional y una pareya de gaita y tambor de la Banda Gaites Villaviciosa pon música a una visita guiada pelos horros de Rozaes.
19:00 — Los Collaínos
Uviéu
Bandina de música tradicional asturiana.
20:00 — Anabel Santiago
Parque de Tabayes (Bimenes)
Anabel Santiago ye la cantante actual de tonada más reputada y popular, amás d’una renovadora d’esti xéneru musical. Nesti espectáculu actúa en formatu cuartetu.
20:30 — La Banda… Latira!
Llanes
La Banda Latira ye una bandina astur-bretona influenciada poles funk brass, polos sones contemporáneos y pola música de raigañu d’estos dos países.
21:00 — XXXV Fiesta de la Sidra en Xixón
Xixón
Hai Cancios de Chigre.
12:00 — XXXV Fiesta de la Sidra en Xixón
Xixón
Actúa la Banda Gaites Villa de Xixón.
12:00 — Fiesta de les Artes y Oficios Ancestrales n’Ayer
La Pola Vieya (Ayer)
Al vermú actúen Vicente Prado «El Praviano» y la Banda d’Acordeones Villoria.
12:00 — El Mercáu de Porrúa
Porrúa (Llanes)
Héctor Braga da los pregones, baillen el GE L’Oriente – Llacón y Filandón, hai asturianada con AICA y toquen Gaiteros Llacín, Los Indianos La Maleta l’Agua y Los Gascones.
17:30 — Homenaxe Marcos
Horru de La Regalina (Cadavéu, Valdés)
La Banda Gaites Castrillón y el Grupo Jovellanos faen alcordanza de Marcos Fernández «Marki», expresidente de la Sociedad Popular La Regalina de Cadavéu fináu’l pasáu mayu a los 44 años d’edá.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
