“L’Horru Muertu”, single del próximu discu de Fontoria

Unos díes depués de presentar el teaser d’adelantu del so próximu discu ‘Sirio‘, Fontoria vuelve dar novedaes del so tercer álbum. Nesti casu ye la publicación de “L’Horru Muertu, primer adelantu de lo nuevo de la banda de folk progresivu que yá ta disponible en toles plataformes dixitales.

Sirio‘ va ser el tercer trabayu de Fontoria tres d’asoleyar “Nordés” (2019) y “El máxicu viaxe de Fionna de Morlay” (2020), y va tener 2 CDs. «Nel discu 1 xugamos cola esperimentación cola música de raigañu, dando llugar a una obra instrumental de 74 minutos na que l’oyente va descubrir una mecigaya de soníos que van dende los sones tradicionales de dellos llugares del mundu, a los ritmos electrónicos, la lírica, el rock progresivu o la música de cámara», desplica Maxi Areñes, cabezaleru de la formación. Amás, comenta que’l discu 2 «tien una duración de 50 minutos y ta enllenu de pieces d’orixe tradicional qu’aporten de llugares como Asturies, Bretaña, Escocia y, en xeneral, tol Arcu Atlánticu». Tamién hai temes de composición propia, anque marcaes por tener «un calter tradicional», como sorraya’l músicu del grupu de folk progresivu.

Sienti “L’Horru Muertu”, single adelantu de ‘Sirio’

Mercar discos de Fontoria na tienda online

Dexa un comentariu

X