Finamos xineru dedicando la estaya de playlist Esto ye a Muyeres con una llista de reproducción qu’axunta 30 cantares de la so discografía, que yá ta dafechu disponible en Spotify: Muyeres (1994); Muyeres II (1997); Pasamentu (2001); Onde canta la culiebra (2006); País Malva (2018); y Humanes (2020).
Muyeres ye la voz coleutiva con más fuercia de la música asturiana. Dende la so fundación en 1993, reivindiquen el papel de les muyeres nel caltenimientu del patrimoniu oral del país y la música tradicional de percusión. Nestes más de tres décades dende que se formó’l proyectu, participaron más de 150 muyeres y collaboradores de dellos grupos d’investigación etnográfica del territoriu. El próximu domingu 9 de marzu finen la xira del so espectáculu Humanes nel Teatru La Llaboral de Xixón, pal que les entraes yá tán a la venta.
Con esta publicación continuamos la estaya de playlists nel nuestru perfil de Spotify. Inspirándose nes This Is: que la plataforma musical sueca dedica a artistes de renome, Musicasturiana.com fai lo propio centrándose nos cantares de los grupos más destacaos de la música’l país. Esto ye: Dixebra, Esto ye: Llan de Cubel, Esto ye: Mariluz Cristóbal Caunedo y Esto ye: Nuberu foron les anteriores incorporaciones. La escoyeta musical d’estes playlists nun respuenden namás a criterios algorítmicos o a los temes más populares de cada formación.
Suscríbite a les nuestres novedaes
