XUNE ELIPE – Llibru ‘Rockmería’

Rockmería. Un repasu a la música popular del sieglu XX ye’l llibru de Xune Elipe (Dixebra, Goxe/L’Aguañaz, Soncai System…) nel qu’a lo llargo de 148 páxines fai un repasu per dellos de los soníos más significaos nes músiques populares.

L’autor escribe al rodiu estilos como’l folk-rock inglés, el ska xamaicanu, el raï de la Kabilia, el zydeco de Luisana, el rock del este d’Europa, el Rock Bravú de Galicia, El Rock Radikal Vascu… y d’artistes y grupos que confirmen un universu sonoru representativu de la diversidá humana y cultural del planeta.

Esta obra divulgativa compila en 31 capítulos histories de música fecha con actitú y rebeldía; soníos, estilos y propuestes que, dende un ámbitu llocal y ensin escaecer los sos raigaños (musicales o llingüísticos), supieron trescender más allá hasta convertise n’universales.