El grupu Skama La Rede va asoleyar esta seronda’l so quintu trabayu discográficu que coincide col venti aniversariu del primer conciertu de la banda de ska-punk asturiana. Va salir en formatu llibru-cd per primer vez na historia d’esta información.
Esti nuevu trabayu va incluyir cantares nuevos y una actualización d’eses canciones del 2019 que nun s’enxertaron en nengún discu. Pa ello, dalgunes de les voces más conocíes de la escena asturiana van collaborar na grabación.
Al CD va acompañalu un llibru que va contener una esbilla de semeyes, entraes, carteles y recortes de prensa -sobremanera de la dómina primera de Skama La Rede-. Tamién testos de xente cercano a la banda. Tovía queden meses per delantre pa definir el nome d’esta nueva propuesta asina como detalles del diseñu especial.
Grabación, merchandising y xira
La formación lluanco-candasina-maliaya entró esta selmana nos Tutu Estudios baxo la producción de Sergio Rodríguez que yá foi’l responsable del soníu de los discos La nuesa hestoria (2005), Echaos a la mar (2007), Ye too mentira (2010), Avante (2014) y de los cuatro cantares en formatu dixital que’l grupu espublizó nel 2019. Amás, Skama la Rede tamién va ufrir merchandising nuevu nes próximes selmanes y tien zarraos yá una decena de conciertos pa esti 2024, tando tovía la contratación abierta.
Suscríbite a les nuestres novedaes
