El 15 d’avientu asoleya’l primer discu d’Espantayu, que yá tien adelantu nuevu

Dempués de presentáse a finales d’ochobre col lyric videu de «Habelas Hailas«, el grupu nuevu de punk-folk n’asturianu Espantayu llanza otru single: «Histories de marineros«. Ye un videu grabáu en directo d’un cantar que va poder sentise nel so primer discu qu’asoleya’l 15 d’avientu. Nél va haber un total de nueve cantares en formatu eléctricu influenciaos por sonoridaes punk folk celta (Dropkick Murphys, Real Mckenzies, Flogging Molly,…), punk folk estadounidense (357 String Band, Moonshine Wagon, Goodamn Gallows…) y de la música asturiana tradicional y punk.