Odón del Paganéu sigue asoleyando adelantos del que va ser el so próximu trabayu Tonaes ad hoc. Dempués de «Larga y complicada», «Viva San Roque y el perru», «Yá podemos espichar» y «Siceratores de mérito 2023», aporta a toles plataformes musicales «A cielo abiertu«. Esta pieza ta orixinalmente escrita en 2011 y foi ganadora del premiu en canción alegórica. Agora preséntase con un cambiu de títutlu y dalgún matiz nel estribillu.
«Ta dedicana n’especial a Jose Luis Valle, intérprete de tonada del pueblu de Sames (Amieva) y a Narciso Fernandez Arduengo, tamien de Amieva, promotor d’importantes proyectos na tonada asturiana, amás de ser padre del gaiteru Oscar Fernández, qu’acompaña cola gaita esta pieza», desplica Odón del Paganéu sobre esti cantar que va tormar parte de Tonaes ad hoc como alcordanza d’esos primeros pasos y eses primeres persones que lu acompañaron nos sos entamos como cantador.
Suscríbite a les nuestres novedaes
