Entama un fin de selmana con diez cites cola música asturiana. El Premiu Obdulia Álvarez ‘La Busdonga’ d’Asturianada cellebra la so segunda final nel Teatru La Llaboral en Xixón. Esi mesmu vienres, vamos poder dir a la Gala Solidaria pola Salú Mental en Mieres, enllena d’artistes de música asturiana. Tamién en Mieres van tar tocando Desaniciu. Pal occidente, Rubén Bada va llevar la so música a la Taberna Narciso. El sábadu entama con un Filandón en Grau, y va dir avanzando col I Artusina Fest en Mieres, el festival Artístiques n’Uviéu (Almacenes Kuivi) y la Esbilla en Porrúa. Pela so parte, el domingu va rematar seliquino, con Rubén Bada na Lata de Zinc, por si nos lu perdimos el vienres, y amás, va fecese en Piloña Radio Barullu: 50 años de cultura asturiana, una gala interdisciplinar na que la música’l país va tar mui presente pa repasar la evolución cultural del país dende 1970 hasta anguaño.
Tola información pue vese nesta imaxe, na Axenda de musicasturiana.com y nes distintes noticies publicaes.
Suscríbite a les nuestres novedaes
