«Nun hai dos ensin tres y equí va la tercera: Nueche en danza naveta!!». Con eses pallabres el colectivu Nueche en Danza anunció nes sos redes sociales el tercer d’estos eventos qu’entamen esti añu tres del exitu de les ediciones celebraes el 14 de marzu en La Nueva (Llangréu) y el 28 de marzu en Villaviciosa. El Llagar de Sorribes (Lolina) en Nava ye’l llugar escoyíu pa esta celebrar l’eventu esti sábadu 18 dende les 20h.
La Nueche en Danza nació hai más d’una década como una «xuntanza de xente pa baillar, tocar y cantar ensin más pretensión que la de pasalo bien». L’éxitu de la convocatoria primer convocatoria -celebrada en La Nueva- fixo que la idea cuayare y la Nueche en Danza fuere afitándose hasta llegar a más de venti ediciones con cientos de danzantes y músicos revitalizando y dando puxu a la música y el baille tradicional asturianos.
Suscríbite a les nuestres novedaes
