La música asturiana vuelve espardese nun fin de selmana protagonizáu pola música folk, el baille tradicional y el folk-rock. La programación d’estos díes inclúi doce cites repertíes pel centru’l país.
18:00 — L’Asturianada ye Prestosa
Casa Cultura de Santolaya (Cabranes)
Xornada que fai «un viaxe a la escencia de l’asturianada» y na que va poder deprendese sobre la «hestoria, tradición y voces que caltienen viva» la forma más vieya de cantar n’Asturies.
18:00 — NosOtrestres
Pista Cubierta de Santolaya (Morcín)
Laura Ruiz, Mónica Vega y Candela Pidal formen esti grupu de música tradicional que yá tien un discu grabáu, ‘El son nos cantares de boda’.
19:00 — Tarde en Danza
Centru de Cultura Antiguu Institutu (Xixón)
Hai taller de baille de Nel Villanueva acompañáu por Muyeres por Grau y actúen Leirana y María Trubia & Pau Santirso.
19:30 — Felpeyu (conciertu inaugural del Festival Internacional de la Mazcarada Ibérica)
Auditoriu Príncipe Felipe (Uviéu)
La programación del FIMI entama col conciertu inaugural nel que toquen Felpeyu; los músicos portugueses Miguel Carvalhinho (Viola Beiroa), Celina da Piedade y Idalina Gameiro y hai un homenaxe al trikitilari vascu Kepa Junkera.
20:00 — Ferla Megía
Factoría Cultural (Avilés)
Ferla Megía ye un artista multidisciplinar que fusiona xéneros y influyencies, dende’l dembow, hip hop y trap hasta’l folk tradicional, trip hop, ambient y electrónica.
21:00 — Raigañu
Ambigú del Florán (Blimea, Samartín del Rei Aurelio)
La propuesta «agro-folk-rock» de Raigañu caleya pente’l folk-rock, el punk y la música tradicional, col protagonismu d’una sección de vientos. Nes lletres rescampla un mensaxe de crítica social y costumismu, too ello enlleno d’ironía y col mundu rural como escenariu.
11:30 — Ven armar la danza
Parque Xovellanos (Mieres)
Esti sábadu, nel Parque Xovellanos, va armase la danza. Dende les 11:30 de la mañana hai talleres de baille pa toles edaes colos grupos del conceyu: L’Artusu, Prau Llerón y Ruxidera, conciertu de la Bandina L’Arrancaera y a les 14 hores, tol mundu a cantar y a da-y al zapatu. L’Orfeón de Mieres y los Coros de la Escuela de Música de Mieres, zarren l’alcuentru.
13:30 — Corquiéu
Taberna Cuévano (La Pola Siero)
Corquiéu nació en Ribesella nel año 1997 y a lo llargo d’estos casi 30 años consolidóse como un referente dientro de la escena folk asturiana y ún de los directos más potentes a nivel européu.
17:00 — Xeitu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
21:00 — Raigañu
Las Dunas Verdicio (Gozón)
La propuesta «agro-folk-rock» de Raigañu caleya pente’l folk-rock, el punk y la música tradicional, col protagonismu d’una sección de vientos. Nes lletres rescampla un mensaxe de crítica social y costumismu, too ello enlleno d’ironía y col mundu rural como escenariu.
13:00 — Carlos Velasco y Chino El Indio
Plaza del Conceyu (Santu Adrianu)
El guitarrista y cantante Chino el Indio, conocíu pol so trabayu en Mota Blues, axúntase col actual campeón autonómicu de canción asturiana, Carlos Velasco, pa reinterpretar grandes clásicos d’esti xéneru.
13:00 — Leirana
Escenariu en Grullos (Candamu)
Leirana ye un proyeutu de música tradicional asturiana de Nel Villanueva con influencies diverses que xunce’l curdión, la guitarra electrica, la gaita, pandereta, voz.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
