Acaba’l mes d’agostu y despídise cola música’l país sonando al altu la lleva. Dende güei hasta’l llunes hai 20 programaciones d’esta escena na que van sonar una montonera d’estilos: folk, punk-rock, electrónica, asturianada, canción d’autor… en dellos eventos repartíos d’oriente a occidente; ente les que destaquen festivales como la 42 Noite Celta de Porcía, la XXXIII Feria Campomar de Tapia, el III Cicade d’A Veiga, l’Unirock, la Regalina o’l XXV Memorial Gaiteros de Llonín Pancho y Cundo.
19:00 — XXXIII Feria Campomar
Tapia
Actúen la Banda Gaites Marino Tapiega (xueves 27 a les 19h) y Bacotexo (xueves 27 a les 22h).
20:00 — Draque
Toma 3 (Xixón)
Draque ye un tríu de folk de cámara formáu por trés de los músicos mozos más destacaos de la escena: Celia Corrales (voz y pandereta), Celia Nieto (vigulín) y Julio Rodríguez (bouzuki).
19:00 — Rellume
Barros (Llangréu)
Banda de música pal baille, respetando les estructures tradicionales, pero con toque personal col que dar un relumbrón nuevu a la pandereta y al so son.
19:15 — XXXIII Feria Campomar
Tapia
Actúa’l Grupu de Baille Tradicional Ramón de Campoamor.
19:30 — Cuévano
Xardinos del Ayuntamientu de Noreña
Cuévano ye «superbanda» formada por doce destacaos miembros con intereses y trayectories mui diverses.
20:00 — Ferla Megía
Xagó Surf Co. (Gozón)
Ferla Megía ye un artista multidisciplinar que fusiona xéneros y influyencies, dende’l dembow, hip hop y trap hasta’l folk tradicional, trip hop, ambient y electrónica.
21:00 — Cicade
A Veiga
Actúen Alicia Villanueva, Manuel Roza, Rodrigo Joglar y Vicente Díaz.
21:30 — Entós
Toma 3 (Xixón)
Entós ye ún de los grupos que se dieron a conocer en 2025, presentando’l so EP homónimu, que ta disponible en formatu dixital. Faen folk de cámara buscando siempre contundencia y enerxía nos arreglos, amosando pieces de nueva creación. Entós son Celia Nieto al vigulín, Adrián Argüelles a la flauta y Javier Menéndez a la guitarra y al bouzouki.
Tol día — La Banda… Latira!
Certame del Quesu Casín (Casu)
La Banda Latira ye una bandina astur-bretona influenciada poles funk brass, polos sones contemporáneos y pola música de raigañu d’estos dos países.
13:30 — L’Andecha Turcipié y DJ La Güeriata
Taberna Narciso (Teberga)
L’Andecha Turcipié ye una bandina tradicional formada por componentes de l’Andecha Folclor. DJ La Güeriata ye pinchadiscos que fai una esbilla musical na que siempre hai espaciu pa la música asturiana electrónica, tradi-fusión y punk-rock.
19:15 — XXXIII Feria Campomar
Tapia
Actúen Muyeres por Grau (sábadu 29 a les 12.30h) y Leirana (sábadu 29 a les 13.30h).
17:30 — Anabel Santiago
Polideportivu d’El Campu (Casu)
Anabel Santiago ye la cantante actual de tonada más reputada y popular, amás d’una renovadora d’esti xéneru musical. Nesti espectáculu actúa en formatu cuartetu.
18:30 — Desfile y Muestra Folclórica
CPI Llugones (Siero)
Participen les agrupaciones tradicionales Agrupación Folklórica La Sidrina (Llugones), Ximielga La Saya (Avolés), L’Arenilla de Burriana (Castellón) y Mistura de San Ciprián (Galicia).
18:30 — XXV Memorial Gaiteros de Llonín Pancho y Cundo
Arenas (Cabrales)
Hai festival de canción asturiana con Marina Carbajosa González, Cristina Sánchez Sánchez, Álvaro Fernández Conde, Ricardo Soberado a la gaita y Andrea Joglar al tambor. Actúa’l Grupu Folclóricu Corri Corri y el grupu Cuévano.
19:00 — Marta Elola & Arella
Casa Cultura del Valle de San Jorge (Nueva, Llanes)
Tríu de música folk con Marta Elola, Txema Pires y Roberto Tárano. Un conciertu pa esfrutar de cantares, ritmos tradicionales y soníos nuevos que miren a la tradición dende güei.
20:00 — Unirock
Veiga (Navia)
Na edición d’esti añu la música n’asturianu va volver a tar presente gracies al conciertu de la banda punk-folk Skontra y, tamién, a Mala Reputación, grupu rock de Cangues d’Onís que tien dalgunos temes en llingua asturiana.
20:30 — Maxi Areñes
Areñes (Piloña)
Música instrumental y cantares n’asturianu, castellanu y otros.
20:30 — 42 Noite Celta de Porcía
Alameda de Porcía (El Franco)
Actúa’l grupu folclóricu El Cabazo d’A Caridá; les pandereteres de música tradicional renovada Herbamora; la mítica banda folk irlandesa Dervish; el veteranu grupu folk Felpeyu; y la formación punk-rock Ochobre.
21:00 — Leirana
Tazones (Villaviciosa)
Leirana ye un proyeutu de música tradicional asturiana de Nel Villanueva con influencies diverses que xunce’l curdión, la guitarra electrica, la gaita, pandereta, voz.
21:00 — PVXARRA
Baíña (Mieres)
PVXARRA ye un tríu influenciáu por soníos como’l punk, rock n’ast, hardcore o drum&bass y que tien de referente a grupos como Death Grips, IDLES, Kneecap, Chill Mafia, Aphex Twin.
12:00 — Fiesta de La Regalina
Prau la fiesta de La Regalina (Cadavéu)
Hai Danza Prima y Corri-Corri bailláu pol Grupo Jovellanos (12.30h), a les 13.30h actúen Coros y Danzas La Regalina, Xeitu, Trebeyu y Coros y Danzas Jovellanos; a les 17h la Banda Gaites Castrillón y Banda Gaites Villa de Xixón xunto a los yá mentaos grupos de baille y a les 19.30h toquen Abéu.
11:30 — VII Concursu de Baille a lo Suelto «Pozaricando»
Barros
La Banda de Gaites Conceyu Llangréu entama un Concursu de Baiḷḷe Asturianu, onde la música y el baiḷḷe van ser los grandes protagonistes. Hai dos estayes: aficionaos y profesionales.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
