Fin de selmana de festivales, rock, folk, canción d’autor y asturianada

José Manuel Tejedor, Corquiéu, Los Berrones, Abéu, Picarós, NosOtrestres y Ana Lamela son dalgunos de los artistes qu'actúen en dellos eventos

Eventos

Esti fin de selmana hai siete cites cola música asturiana que van axuntar una montonera d’actuaciones de varios artistes de renome y agrupaciones tradicionales. Los principales eventos son el XXVI Festival Internacional de Gaites Villa de Xixón, el XXIX Festival Intercéltico d’Occidente en Tapia y el XXIV Festival de la Sidra de Navia, anque tamién hai otros conciertos destacaos en Colunga, Pravia, Teberga y Xixón, destacando nesta última ciudá la entraga de premios del 44 Concursu de Canción Asturiana «El Comercio».

TOL FIN DE SELMANA

— XXVI Festival Internacional de Gaites Villa de Xixón
Xixón
El fin de selmana ye la Gala del festival onde participen toles formaciones (vienres 7); toca José Manuel Tejedor (sábadu 8); ye’l desfile de Cabezudos de la Banda Gaites Infantil Magüeta y el Conciertazu Pal Baille (domingu 9).

— XXIX Festival Intercéltico d’Occidente
Tapia
El fin de selmana actúen Picarós y Xara (vienres 7), Corquiéu (sábadu 8), NosOtrestres (domingu 9), BG Camín de Fierro, GBT Fitoria y otres formaciones internacionales.

VIENRES 7 D’AGOSTU

19:00 — Ana Lamela y Compañeras
Plaza Chile (Lliberdón, Colunga)
Ana Lamela y Compañeras representen La Otra, un espectáculu qu’entemez poesía, música tradicional y lletres feministes.

22:30 — Los Berrones
Parque Sabino Moutas (Pravia)
Los Berrones son los padres del agro-rock, o lo que ye lo mesmo, rock fechu nun entornu rural y que reflexa nes sos lletres esa realidá que los arrodia.

SÁBADU 8 D’AGOSTU

12:00 — Picarós
Taberna Narciso (Teberga)
Picarós nació nos valles del Trubia en 2021 col envís de buscar un soníu frescu y vibrante mediante la esperimentación sonora y l’amiestu de xéneros. El so primer álbum ye Son d’Ermu.

12:30 — XXIV Festival de la Sidra de Navia
Navia
El sábadu al mediudía Cantares de Chigre col Ochote del Coru Villa de Navia, la BG La Reina’l Truébano y GBT Ramón de Campoamor; Abéu toquen a les 21:00 hores y La Güeriata a les 22:30.

DOMINGU 9 D’AGOSTU

12:00 — 44 Concursu de Canción Asturiana «El Comercio»
Plaza Mayor de Xixón
Entrega de premios d’el Concursu de Canción Asturiana d’El Comercio, el decanu de los certámenes d’asturianada.

Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu

Consulta la axenda completa equí: https://musicasturiana.com/axenda/lista/