Gaiteros del Carbón anuncia la participación de Los Berrones en «Equí tán… Estos son (Versión 2.0)», el conciertu especial col que la formación va celebrar el so X Aniversariu. La cita va ser el sábadu 9 de xineru de 2027 nel Teatru de La Llaboral, en Xixón.
La presencia de Los Berrones ye especialmente significativa pa Gaiteros del Carbón. La banda nun pudo acompañar a la formación nos dos conciertos celebraos nel Teatru José León Delestal de La Felguera, y les ganes de la banda por poder anunciar la so participación nesta nueva fecha yeren munches.
Los dos pases de La Felguera agotaron les entraes n’apenes unes hores, y munches persones quedaron ensin
poder asistir. La respuesta del públicu llevó a Gaiteros del Carbón a repetir l’espectáculu nun espaciu de mayor
capacidá y a preparar esta Versión 2.0, que va ser la última oportunidá pa disfrutar en directo d’esta puesta n’escena especial del X Aniversariu. El conciertu va combinar la música y la tradición asturiana cola participación d’artistes invitaos nun espectáculu concebíu especialmente pa esta celebración. Nos próximos díes, la formación va siguir anunciando nuevos nomes que van formar parte d’esta nueche.
«Equí tán… Estos son (Versión 2.0)» va celebrase’l sábadu 9 de xineru de 2027, a les 20:30 hores, nel Teatru de La Llaboral, en Xixón. Les entraes tán a la venta en www.gaiterosdelcarbon.com
Suscríbite a les nuestres novedaes
