Gaiteros del Carbón sigue ampliando la llista d’artistes que van participar en «Equí tán… Estos son (Versión 2.0)», el conciertu especial col que la formación va celebrar el so X Aniversariu. A Los Berrones, anunciaos anteriormente, súmense agora Rubén Bada, Ramón Prada, Juanjo Díaz y Celtas Cortos.
La cita va tener llugar el sábadu 9 de xineru de 2027 nel Teatru de La Llaboral, en Xixón, nuna actuación que va axuntar a la banda de gaites con artistes de distintes procedencies musicales. L’espectáculu combina la tradición asturiana cola participación de músicos invitaos nun formatu preparáu especialmente pa esta celebración.
El conciertu llega dempués del ésitu de los dos pases celebraos nel Teatru José León Delestal de La Felguera, que quedaron ensin entraes n’apenes unes hores. La respuesta del públicu llevó a Gaiteros del Carbón a preparar esta nueva fecha nun espaciu de mayor capacidá, que va ser la última oportunidá pa disfrutar d’esta puesta n’escena especial del décimu aniversariu.
L’actuación va entamar a les 20:30 hores y les entraes tán disponibles al traviés de la web oficial de Gaiteros del Carbón.
Suscríbite a les nuestres novedaes
