Alicia Álvarez abre esti viernes la programación de 2022 d’Asturies Cultura en Rede
Esti vienres 28 de xineru vuelve la programación musical n’asturianu d’Asturies Cultura en Rede, el circuitu cultural qu’entama la Sociedá Pública de Xestión y Promoción Turística y Cultural. El conciertu d’Alicia Álvarez (Pauline en La Playa) pa presentar el so llibru-discu ‘Kikirikikí‘ va abrir, a les 18h, na Casa La Cultura de Ribeseya les actividaes de 2022, de les que yá tán programaes tamién les actuaciones de Tina Gutiérrez, Felpeyu, David Varela, La Bandina’l Fuelle, Rubén Bada y Calea en siete conceyos distintos.
La información de los llugares y los díes d’actuación pue vese completa na web d’Asturies Cultura en Rede y la información sobre los conciertos pa xineru y febreru d’artistes y agrupaciones que trabayen col asturianu como llingua vehicular ta disponible tamién n’axenda de musicasturiana.com.
“Asturies Cultura en Rede“, ye’el programa del Gobiernu del Principáu d’Asturies que dende ochobre de 2020 organiza un circuitu cultural pelos distintos conceyos del país. La música y la cultura tradicional formen parte de la programación, amás de les artes escéniques, la lliteratura, el cine, les artes visuales y delles actividaes especiales coincidiendo col Xacobéu.
