Foron y son munches les propuestes de música d’espresión asturiana que lleguen a grabar dalgún discu o a esparder la so música al traviés de los medios dixitales y les plataformes habilitaes pa ello. Pero tamién foron abondos los solistes y bandes que nes últimes décades vieron cómo’l so trabayu nun diba más allá d’unes poques persones, cómo les sos grabaciones -caseres o más profesionales- nun salieron del local d’ensayu. Nesta estaya rescatamos dellos d’esos trabayos que quedaron amatagaos, tapecíos o escaecíos. Per otru llau, los conciertos son momentos únicos y irrepetibles que disfruta’l públicu asistente, equí vas poder sentir tamién delles grabaciones históriques rexistraes en festivales, alcuentros o actuaciones de formaciones y artistes del país.
Dixitalizamos les maquetes d’estes tres bandes mui moces que tuvieron munches característiques en común va cuasi dos décades.
Dixitalizamos el trabayu qu’asoleyó esti proyectu de música pop coles Ayudes a la Producción Fonográfica qu’existieron nos primeros 90.
Dixitalizamos un conciertu na Folixa na Primavera d’esta formación folk-rock que foi l’antecedente de lo que llueu sería Skanda.
Dixitalizamos la única maqueta que grabó esta formación afincada n’Uviéu, con un estilu ente’l rock, el pop, el folk y la tradición asturiana.
Dixitalizamos l’audiu d’esti espectáculu de la Banda de Música de Corvera nel que versionen clásicos del pop-rock con collaboraciones.
Nesta pieza audiovisual pue vese un resumen d’aquelles xornaes, cola rueda prensa, entrevistes y fragmentos de les actuaciones.
