Una edición nueva del Válgame Fest aporta a Arenas de Cabrales ente’l vienres 9 y el domingu 11. Nel eventu, que yá entamó la selmana pasada con una charra, l’apertura d’una esposición y una proyección, va haber muncha música’l país, mercáu artesanal, xuegos tradicionales y una xinta popular. Les actividaes musicales concéntrense esti fin de selmana con una Nueche en Danza, música de cai y conciertos.
El vienres 9, la música y el baille van entamar a les 23h cola bandina L’Andecha Turcipié y los cantares tradicionales d’Ambás y Ramsés na Nueche en Danza. Al otru día, la música tradicional va siguir sonando na Plaza’l Castañéu con Oscarín y compañía a les 13h y Los Gascones a les 19h. La nueche del sábadu 10 van protagonizala los conciertos de Girls to the front (22h), Guieldu (23.30h) y Skama la Rede (1h). L’eventu va finar el domingu 11 cola so tradicional xina de fraternidá con paella y escenariu abiertu.
Suscríbite a les nuestres novedaes
