Ciares presenta’l cartelu de les sos fiestes populares con una tarde en danza

Nel viniente mes de xunetu, el barriu xixonés de Ciares va acoyer otra edición de les sos fiestes populares, un eventu nel que la música’l país ta bien presente. Pa presentar el cartelu de la programación completa les Pandereteres de Ciares entamen Ciares en danza, una cita na que va haber música, micru abiertu y baille asturianu. La convocatoria ye esti sábadu a les 18.30h nel Campu Fútbol de La Cruz y ye una amuesa del puxu que ta garrando la música tradicional y de cómo se ta espardiendo per delles estayes nes qu’enantes nun taba presente.