Tres del éxitu de la primer Nueche en Danza del añu, celebrada’l pasáu 14 de marzu en La Nueva (Llangréu), esta «xuntanza de xente pa baillar, tocar y cantar ensin más pretensión que la de pasalo bien» aporta esti sábadu 28 a Villaviciosa. La Banda Gaites Villaviciosa – El Gaitero y el Festival Internacional de la Gaita (FIG) entamen la cita, col sofitu del Conceyu de Villaviciosa, que va celebrase dende les 21h na Plaza d’Abastos.
«Queremos poner a toa La Villa a baillar», publicaron nes sos redes sociales dende la organización y pa ello tán asoleyando una serie de videos p’animar a la xente a participar no qu’apunta a ser una bona folixa na capital maliaya: «¡Vamos poner a tou Asturies a baillar! Garra bonos zapatos y ven pa La Villa».
Suscríbite a les nuestres novedaes
