Los y les llectores de musicasturiana.com volvieron amosar el so compromisu y l’interés pa cola escena musical del país participando na votación qu’abrimos pa escoyer los meyores llanzamientos de 2025. D’ente los 21 álbumes publicaos -referencies que tienen más de dos cantares y que s’asoleyaron en formatu físicu y/o dixital- y 61 singles, la xente votó y esbillamos un llistáu colos diez meyores álbumes y los quince meyores singles. El resultáu -que tamién pue sentise nesta playlist– reflexa’l bon momentu que vive la música asturiana, con propuestes sonores estremaes que van dende’l folk al hardcore, pasando pela canción d’autor; y con artistes consolidaos y nuevos.
El regresu dempués de 17 años d’una de les bandes de gaites más emblemátiques d’Asturies. Resollu ye un discu ambiciosu, potente y colectivu, qu’entemez tradición, arreglos contemporáneos y una sonoridá bayurosa.
L’estrenu discográficu d’esta banda de música celta y new age ye un viaxe pelos paisaxes sonoros del Arcu Atlánticu a traviés de 14 cantares diversos y trabayaos a fueu llentu.
Felpeyu vuelve amosar por qué ye un de los nomes imprescindibles del folk asturianu. Un EP qu’inclúi un tema cantáu y otru instrumental qu’entemecen reinterpretación de la tradición y composición propia.
El segundu discu d’Ochobre supón la consolidación d’esta banda, con nueve temes qu’amuesen una evolución bultable. Punk, rock, hardcore, folk… nun discu enllenu de discursu social, identidá asturiana y conciencia de clase.
El segundu EP de Baxel continúa la filosofía del dúu de recuperar la tradición oral asturiana, reellaborándola y amestándo-y pieces de composición propia, con una sonoridá novedosa dientro del folk.
Tres temes instrumentales y vocales qu’amesten composición propia y rellaboración de la tradición y nel que se pue sentir a la formación nueva d’esta banda icónica que publicó’l so anterior discu hai 15 años.
Rock rural asturianu ensin concesiones. Un discu directu, críticu y cargáu d’ironia, col soníu inconfundible d’una de les bandes más mítiques de la música asturiana.
Un discu conmemorativu que repasa la trayectoria d’ún de los grupos más carismáticos del rock y ska asturianu, celebrando colectivamente dos décades de música y compromisu.
El primer EP d’esta formación nueva ye un trabayu cuidáu y orixinal nel qu’unes lletres con munchu posu lliterariu axúntense a composiciones influenciaes pol folk, la canción d’autor, l’indie o la tonada.
Un discu íntimu y personal, nel que la multiinstrumentista Vero Rubio destaca pola sensibilidá interpretativa y unes composiciones honestes y cuidaes.
Nesta estaya esclariamos que, pa facer la esbilla, escoyimos el single más votáu de cada artista que tuviera dellos llanzamientos. Esta decisión fíxose asina pa reflexar el mayor númberu posible de proyectos musicales.
El tema que da nome al discu ye una declaración d’intenciones: potencia colectiva y tradición viva.
Un himnu contemporaneu, reivindicativu y festivu, col sellu inconfundible del grupu.
Canción que reflexa la cara más hardcore d’esta formación y na que s’homenaxea a Eduardo Galeano.
La banda power folk compuso esti tema enérxico pa poner banda sonora al FIG 2025.
El cantar col que s’estrenó esti cuartetu reflexa un soníu enllenu d’intensidá y novedá dientro de la música asturiana.
El «mininistru de verbenes» y la mítica Massiel nagüen por un mundu munchu más guapu nel que l’asturianu seya llingua oficial.
El tríu de folk de cámara axúntase al multiinstrumentista Dani Álvarez nesta pieza instrumental mui trabayada.
Un retratu irónicu de los fracasos y tropiezos de la vida cola ironía y l’humor característicu de los de Tolivia.
La revisión electrónica d’esta pieza tradicional que punxo banda sonora al Día de la Bandera 2025.
Punk-rock astur cola collaboración de Reichel (Ochobre y La Morgue) pa reivindicar la llibertá d’estes trabayadores.
L’emocionante homenaxe que la cantautora llangrena fizo a la memoria d’Anita Sirgo y otres muyeres protagonistes de la güelgona de 1962.
Tema con melodíes y lletres tradicionales qu’axunta tres llixeros del conceyu L.lena y qu’adelanta lo que va ser el primer discu d’esti grupu.
Un trallazu de crust-hardcore con una lletra que xira al rodiu la salú mental.
Un viaxe sonoru que reinterpreta esta tonada clásica dende la perspectiva del rock progresivu.
Un cantar colectivu col inconfundible soníu punk-folk de Skontra y les voces d’una montonera artistes en defensa de les sindicalistes Les 6 de la Suiza.
Suscríbite a les nuestres novedaes
