Ferla Megía pon puntu final a la so xira de 2026 esti sábadu 17 d’ochobre en Llangréu, dempués de meses de conciertos que lu llevaron per distintes ciudaes y escenarios d’Asturies, Galicia, Cantabria, País Vascu y Francia. El percorríu, que principió’l 14 de febreru n’Uviéu, permitió-y llevar la so música a públicos mui distintos y sumar actuaciones en sales, auditorios, festivales y espacios culturales.
La xira arrancó en febreru con una primer actuación en Puru Remangu, n’Uviéu, y siguió per Llión y A Coruña enantes de recalar en Teberga y Xixón. Na primavera, Ferla Megía pasó per Mieres y Llanes, con conciertos nel Auditoriu Teodoro Cuesta y el Casino de Llanes, enantes de siguir el so percorríu per La Pola L.lena, Villaviciosa y Avilés. Xunu foi ún de los meses con más actividá, con actuaciones n’Uviéu, Santolaya de Cabranes y Lluarca.
L’actividá intensificóse especialmente nel branu, cuando’l músicu salió d’Asturies pa participar en distintes cites internacionales. En xunetu actuó en Santander y nel Harrikada Festibala d’Izarra, amás de visitar Biarritz, Bordeaux y Nantes, con dos conciertos nesta última ciudá, y Vannes. El percorríu siguió n’agostu col Festival de Lorient, enantes de tornar a Asturies pa tocar en Xagó, nel conceyu de Gozón.
La recta final de la xira llevólu en setiembre al SUCO Festival, en San Pedro Bercianos, y a Ermua, onde participó en Folkezblai. Yá n’ochobre, Ferla Megía pasó pel premiu Camaretá, en Xixón, y per Cuenca, dientro de la cita Ciudad-Paisaje IV, enantes de poner el ramu al calendariu de conciertos en Llangréu, nun percorríu que combinó escenarios asturianos con actuaciones fuera de la comunidá.
Suscríbite a les nuestres novedaes
