El cantante Ferla Megía va presentar en febreru de 2026 les sos nueves propuestes musicales nun percorríu musical que va llevase a cabu los díes 19, 20 y 21 de febreru en Llión, Ourense y A Coruña, dientro de la xira Páxaros. Trés cites consecutives que dibuxen un mapa cultural compartíu nel noroeste peninsular y que consoliden la propuesta artística d’un músicu que vien destacando pola reinterpretación de la tradición y el venceyamientu col territoriu.
La primer parada va tener llugar el 19 de febreru en Llión, n’El Gran Café, una ciudá con una fuerte tradición cultural y musical, y con una escena que comparte munchos puntos de contactu colos territorios vecinos. El 20 de febreru, la xira va siguir n’Ourense, nel Café Pop Torgal, nun contestu especialmente afín a la propuesta de Ferla Megía, onde la música de raigañu y la creación contemporánea conviven dende hai décades. La clausura d’esta parte de la Xira Páxaros va ser el 21 de febreru en A Coruña, nel Don Giorgio Cocktail Pub, poniendo fin a trés díes de conciertos nel espaciu atlánticu. Les entraes tán disponibles calcando equí.
Dende una perspectiva asturiana, el trabayu de Ferla Megía enllaza con delles de les llinies creatives que tán marcando la escena musical del norte: la recuperación crítica de la tradición, la atención a les llingües minorizaes y la busca d’un equilibriu ente memoria y presente. Proyectos como’l suyu formen parte d’una rede más amplia d’artistes que, dende distintos territorios, tán repensando la música de raigañu dende parámetros actuales.
Suscríbite a les nuestres novedaes
