José Ángel Hevia (Xixón, 1967) ye’l gaiteru asturianu más popular d’esti tiempu. Con namás 7 años entamó a tocar la gaita y nestes décades d’actividá foi fundador de bandes de gaites, ganó los premios más prestixosos del mundu y foi ún de los precursores de la gaita midi. Representó a la cultura y a la llingua d’Asturies n’escenarios de tol planeta a los que llevó la so propuesta musical qu’amesta pieces populares, composiciones propies y soníos electrónicos y new age. Ta acabante de publicar Platinum Europe Award. 25 Aniversario, un homenaxe a esta exitosa carrera.
Con él siguimos cola estaya La Banda Sonora De…, una serie d’entrevistes de personalidá acompañaes d’una playlist de Spotify na que cada persona entrevistada escueye los 20 cantares que más-y presten -que, nesti casu, queden en 16, al nun apaecer cuatro d’ellos en Spotify: ‘Dark Iniseoghain’ de Deanta; ‘Muñeira Asturiana’ de José Remis Ovalle; ‘Los tres reis’ de Xentiquina y ‘Lus Cesteirus’ d’Ubiña-.
Atlantic Bridge, de Davy Spillane. Gasté dellos ente CD y cintes de cassette. Foron munchos kilómetros percorríos con esi discu.
Nagüé tola vida por ser parte de Beleño. Agora, col permisu del que considero’l so gaiteru titular, Juanjo Prado, concedióseme la oportunidá de selo. Ye una emoción pergrande cada vegada que nos xuntamos.
Bono, nun puedo renegar de ‘Busindre Reel’ porque ye’l que cambió la mio vida. Tamién me presta muncho ‘El Garrotín’, pero nesti casu non solo pol trabayu col discu del 98, sinón tamién pol trabayu anterior coles bandes de gaites nos años 90.
«Nagüé tola vida por ser parte de Beleño. Agora, col permisu del que considero’l so gaiteru titular, Juanjo Prado, concedióseme la oportunidá de selo»
La primer vez foi nel Teatru Riera de Villaviciosa pa una función de Navidá. Toqué lo que sabía, que yera bien poco. Sería 1978. Enantes, munchos nervios, dempués siguieron los nervios; y yo creo que siguen tovía güei.
La incertidume nel futuru. La dependencia de factores como la suerte. Por munchu que trabayes siempre tien enforma importancia la fortuna.
Bono, un Conseyeru de Cultura nun tien potestá pa declarar la oficialidá del Asturianu, pero supongo que fadría lo posible por apurrir un sofitu pa conseguila.
«El primer gaiteru que vi foi Ramón el d’Espina acompañáu al tambor por Sabino’l de Nora y el que m’animó munchu foi Armando Fernández Robledo, el mio mayestru gaiteru»
D’eso va munchu tiempu. Enantes de garrar la gaita, el primer gaiteru que vi foi Ramón el d’Espina acompañáu al tambor por Sabino’l de Nora. Yera mui guah.e. El que m’animó munchu foi Armando Fernández Robledo, el mio mayestru gaiteru.
«Convidaría a Donald Trump. Y dempués entrugaría-y: ‘¿Veslo? ¿A que te decatasti de qu’hai vida más p’allá de New Jersey?’»
“Adelante home del 600” de Monchu Alpuente. Cantéla munches vegaes nel coche coles mio ñeñes. Pero tengo que dicir que nun me produz culpa dalguna, sinon grandes recuerdos. Alcuérdome que la mayor, cuando entamaba a falar en vez de “La carretera nacional es tuya” siempre cantaba “La carretera nacional de Asturias”.
Home, dicho asina… Pero pudiere ser a Donald Trump. Y dempués entrugaría-y: «¿Veslo? ¿A que te decatasti de qu’hai vida más p’allá de New Jersey?»
Prestaríame poné-yla a ‘N’un horru al debalu’, de Maria José Hevia. Parezme que nun me costaría dar colo que-y prestaría a la autora. Debe ser cosa de cercanía…
Suscríbite a les nuestres novedaes
