La Banda Gaites Villaviciosa–El Gaitero entama’l sábadu 16 de marzu la Folixa PreFIG, un eventu empobináu a recaudar fondos pa financiar el Festival Internacional de la Gaita (FIG), que va desendolcase ente los díes 5 y 8 de setiembre na capital maliaya. La Plaza Cubierta o d’Abastos de Villaviciosa va acoyer esti eventu nel que va haber espicha y los conciertos de la propia banda gaites, Loína y Llau.
L’apertura de puertes va facese a les 20 hores pa la xente que quiera asistir a la espicha, programada pa les 20.30h. y pa la que se pueden recoyer vales, a un preciu de 18 €, en dellos comercios collaboradores de Villaviciosa (Cuadra2, Tamara Díaz y Taller El Riberu). La bébora pa la espicha nun ta incluyío, pero va haber serviciu de bar. El plazu pa mercar los vales acaba’l miércoles 13 de marzu.
A les 22h. entamen los conciertos, pa los que l’accesu ye llibre. Van actuar, por esti orde, la Banda Gaites Villaviciosa – El Gaitero y los tríos de música folk Loína (formáu polos hermanos Andrea y Rodrigo Joglar y Julio Rodríguez) y Llau (Dani Álvarez, Lisardo Prieto y Luis Nicolás). Darréu, va haber escenariu abiertu pa que quien quiera pueda xubir col so instrumentu,
Suscríbite a les nuestres novedaes
