Ún de Grao publica’l cantar “Tiráu na calle”

Tres d’asoleyar va ocho meses el videoclip “Viva Grau“, Ún de Grao regresa con otru tema nuevu. Trátase de “Tiráu na calle“, una pieza inspirada na tonada tradicional “Per deaxo del puente” con igües y lletra del propiu artista. El cantar, qu’asoleyó en toles plataformes dixitales, grabóse nos estudios 15:40 baxo la producción de Luis Senén Fernández y tien la la so collaboración al djembé, amás de la de César Latorre al tecláu eléctricu. Pasín a pasu, l’intérprete moscón va llanzando adelantos de lo que dará forma al so próximu trabayu discográficu.

Ún de Grao ye’l proyectu personal de José Martínez Álvarez, veteranu músicu de la escena folk asturianu. En 2017 debutó con un EP homónimu qu’apurría una visión personal a l’asturianada; llueu llegó Pelo Segao, un llarga duración nel que reinterpretaba pieces de tonada y d’otres músiques de raigañu asturianu pa empobinales hacia soníos propios del rock, del jazz o de la bossa nova. D’esta manera, el soníu d’esti artista amesta tradición y vanguardia con un estilu únicu que fai que cada cantar suene contemporáneu dafechu.

Mercar discos d’Ún de Grao

Dexa un comentariu

X