Esti fin de selmana va haber cinco cites cola música’l país nes que se van poder sentir propuestes que van dende’l bal-folk al dembow pasando pel punk-folk. El vienres 7 a les 20h toquen La Bonturné nel Nuevu Teatru de La Felguera con entrada llibre y a les 22h L’Esperteyu d’Uviéu acueye la Semando Folk Session, la primer jam session que va tar formada dafechu por instrumentistes menores de 35 años.
Pal sábadu 8, tamién n’Uviéu, Lata de Zinc celebra’l III Semando Fest y en La Traviesa de L’Infiestu toquen Skontra. Pa rematar, el domingu dende les doce’l mediudía va facese el Xaréu Solidariu cola xente afectao pola DANA na AMC Pepe Bocanegra (Valles, Piloña). Les entraes pa esti últimu eventu y pal III Semando Fest yá tán escosaes dende hai díes.
Tola programación d’equí a los próximos meses pue vese na Axenda de Musicasturiana.com.
Suscríbite a les nuestres novedaes
