Entama’l fin de selmana y con él la música n’asturianu va sonar en diez eventos bien distintos qu’axunten varies actuaciones hasta’l llunes, día de San Mateo nel que Rodrigo Cuevas va llevar el so espectáculu La Belleza a la capital del país. Na axenda tamién destaca’l regresu a los escenarios de Silvia Quesada, el conciertu especial de Corquiéu nel barriu d’El Zanjón de Cangues d’Onís, la Nueche en Danza Tradi&Electrónica d’Avilés, l’estrenu del espectáculu Voblanaes y el conciertu solidariu Somos Más.
18:30 — Brassica Tríu en Xixón
Plaza La Llaboral, Xixón
Un viaxe pela bona música que bebió de la tradicional y de la clásica, dende Asturies al mundu.
20:00 — Silvia Quesada en Mieres
Auditoriu Teodoro Cuesta, Mieres
Silvia Quesada ye una de les voces más destacaes de la música asturiana. Nel so últimu trabayu, l’artista lleva a la música n’asturianu a esplorar nuevos caminos sonoros, faciendo un pop eléctricu y enllenu de color.
20:30 — Corquiéu en Cangues d’Onís
Barriu d’El Zanjón, Cangues d’Onís
Conciertu especial de Corquiéu, que va tar precedíu poles actuaciones de l’A.F Picos de Europa y la B.G Bricial Cangues d’Onís.
20:30 — Nueche en Danza Tradi&Electrónica n’Avilés
Plaza Carbayéu, Avilés
Escontra’l Raigañu, el gaiteru Llorián García, Llevólu’l Sumiciu y Killaphonía ponen música’l país d’ayeri y güei esti vienres na Plaza’l Carbayéu.
Xeitu n’Uviéu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
18:00 — Rollu Folk n’Uviéu
Plaza la Catedral, Uviéu
Rollu Folk crea sesiones de música folk asturiana onde’l públicu participa cantando, baillando o tocando.
20:00 — Voblanaes en Piloña
La Benéfica, L’Infiestu
Espectáculu de la estaya xuvenil de Voces Blancas del Nalón qu’axunta música’l país d’ayeri y güei nun formatu novedosu.
20:30 — Somos Más n’Uviéu
Plaza la Catedral, Uviéu
Dixebra, Ambás ya Ramsés, Marisa Valle Roso y una «actuación sorpresa» toquen en solidaridá con AMA Asturies.
12:30 — Grupu Folklóricu Trebeyu en Xixón
Plaza’l Marqués, Xixón
Actuación d’esta agrupación xixonesa de baille y música tradicional.
21:00 — Rodrigo Cuevas n’Uviéu
La Ería, Uviéu
La Belleza ye l’espectáculu que va acompañar al tercer discu de llarga duración del aclamáu axitador folclóricu y ministru de verbenes Rodrigo Cuevas.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
