Del 24 al 26 de xunetu el campu de fútbol de La Cruz va acoyer la edición 2026 de la Romería de Ciares, fiestes populares que lleva años entamando l’asociación Esto Ye Ciares, ufriendo asina un modelu festivu distintu al de grandes orquestes y concesión de la xestión a empreses privaes. La música n’asturianu siempre tien presencia destacada na programación y esti añu van actuar la banda mecigayu-ska La Tarrancha, la formación de música celta Guieldu, el grupu Rollu Folk y les Pandereteres de Ciares, agrupación de música tradicional creada al rodiu d’esta asociación vecinal.
Amás d’estes formaciones de música n’asturianu tamién toquen Catalina Grande Piñón Pequeño, Víctor de Cimadevilla, Kornucopia, AB/CD, Señor Rosa, Sentenciad2 y 80’S Rock DJ. Los díes concretos y horarios de les actuaciones van anunciase próximamente.
Suscríbite a les nuestres novedaes
