La seronda ta averándose y pasín a pasu van anunciándose dellos de los eventos d’esta dómina del añu. Ún de los más especiales ye l’Ochobre Folk qu’entama’l Grupu Folclóricu Prau Llerón en Mieres del Camín. L’agrupación ta acabante de presentar el diseñu del cartelu -fechu por Estudio Datriga– y les feches de la edición d’esti añu, la númberu trece. El 9, 10 y 11 d’ochobre el Parque Xovellanos va enllenase de «baille, música y muncho folclor» y, anque entá nun s’anunció tola programación, la organización yá avanzó dalgunes de les actividaes que va haber: talleres, alcuentru bandines, pasabares, espicha, nueche en danza, alcuentru folclóricu, conciertos, xuegos y animación pa la reciella y bingu musical. Nes próximes selmanes habrá más novedaes.
Semeya de Nay Semeya.
Suscríbite a les nuestres novedaes
