Del 10 al 13 d’ochobre la llocalidá catalana de Manresa va acoyer la 27 edición de la Fira Mediterrània, una feria interdisciplinar especializada «nes propuestes artístiques qu’usen los raigaños, la tradición y la cultura popular como motor creativu» alredor de tres estayes principales: la música, la danza y la memoria, llegáu y tradición oral. Esti añu Asturies va tar representada gracies a L-R, que tán acabate d’anunciar nes sos redes sociales la so participación nel alcuentru.
«Vei ser un arguyu poder llevar la música asturiana fecha n’asturianu a un eventu tan importante como esti», comentaron L-R per Instagram. Tamién dieron les gracies «a tola xente qu’organizó «Música en rede» porque foi una oportunidá única pa nós». D’esta manera, del alcuentru de la industria musical qu’entamó gobiernu d’Asturies pudo surdir esti conciertu en Manresa: «Foi a ayudanos a conocer otras realidades ya abrinos al mundu pa saber que más allá nun solo hai dragones», desplica’l dúu formáu por Leticia Baselgas y Rubén Bada.
La formación post-folk va presentar na Fira Mediterrània de Manresa, el xueves 10 d’ochobre a les 18.30h, el so trabayu nuevu V.O.S., un álbum que va más muncho allá nel so soníu. Más instrumentación, más influencies d’otres sonoridaes (rock, funk, electrónica…), más collaboraciones (Rodrigo Cuevas, Los Hermanos Cubero, Eva Tejedor & Les Pandereteres, Juanjo Díaz, Coru Al Altu La Lleva, los bretones ‘Ndiaz), más color, más matices sonoros… Toa una declaración d’intenciones qu’entiende la “música tradicional” como un actu d’amor, como daqué qu’enxamás va ser orixinal, nin inamovible, porque siempre se tresmite como una versión. Un gran pasu alantre d’esti dúu que lleva revolucionando la música’l país dende 2016.
Suscríbite a les nuestres novedaes
