Preséntase un TFG del post-folk y L-R na Universidá d’Uviéu

“Las dinámicas de la tradición en la música post-folk. El caso del grupo L-R” ye’l nome del Trabayu Fin de Grau qu’Aida Mariño presentó na Universidá d’Uviéu, nel Grau en Historia y Ciencies de la Música,, y qu’analiza’l papel del dúu formáu por Leticia Baselgas y Rubén Bada dende’l so nacimientu en 2016.

Asina falen L-R d’esti fechu:

«Ye un placer pa nós trabayar pola música asturiana y faenos muncha ilusión que dende les instituciones estudien o analicen esto que llamamos “post-folk-asturianu” y que nun ye otra cosa qu’un actu d’amor y activismu pa cola ‘nuestra vida y la nuestra música’..

Llevamos (Rubén y Leti) más de veinti años subiendo a los escenarios pa facer y refacer ‘eso’ que llamamos “tradición”. Entendemos qu’esta música que sal de la tierra vien de pasiones y formes de vivir heteroxénees pero que nos venceyen como’l pueblu que somos. Esti procesu que ye ampliu y complexu tien que salir de dientro y, eso, creyemos que ye lo que fae que ‘la música popular’ siga viviendo más allá de toles modes, tendencies y tolos formatos enllataos que nos arrodien.

post-folk-asturianu somos nós

post-folk-asturianu ye la voz que vieno d’atrás; que nun tenía nome y qu’agora, por amor, yá ye nuesa pa siempres».

Merca na tienda online y sienti nes plataformes dixitales los discos de L-R